Apeli i Gjykatës së Posaçme ka lënë në burg Artemis (Armis) Stafën, kushëriri i vëllezërve Franc dhe Hajdar Çopja. Stafa akuzohet nga SPAK se ka pastruar paratë e grupit kriminal Çopja në Elbasan.
Kujtojmë se në seancën e 11 qershorit, GJKKO vendosi për Stafën ndryshimin e masës së sigurisë nga “arrest me burg” në “arrest shtëpie”. Ndërkohë, shkalla e dytë pranoi ankimimin e SPAK dhe ka shtrënguar masën e sigurisë “arrest në burg”.
Artemis Stada u esktradua nga Dubai në vendin tonë më 11 qershor, për llogari të Prokurorisë së Posaçme. Në vitin 2024, GJKKO i caktoi 36-vjeçarit, masën e sigurisë “Arrest në burg”, për veprën penale “Pastrimi i produkteve të veprës penale ose veprimtarisë kriminale”, kryer në kuadër të organizatës kriminale.
Ai akuzohet se ka pastruar nëpërmjet shitblerjes së automjeteve, paratë e vëllezërve Çopja, të dyshuar si të përfituara nga veprimtari kriminale.
Discussion about this post