Pas përfundimit të mbledhjes mes Sali Berishës dhe deputetëve të grupit Parlamentar të PD, Gazment Bardhi tha se në mbledhjen e sotme u morën disa vendime.
“Kemi marrë disa vendim. Së pari vendosëm të propozojmë një paketë ligjore për të nisur punën për rritjen e pensioneve, ndihmës ekonomike, minimumi jetik.
Sa i takon llogaridhënies së qeverisë, do të ketë seanca dëgjimore në Komisione për çështje me interes për publikun”, u shpreh Gazment Bardhi.
Në lidhje me pyetjen e gazetarëve për mënyrën e organizimit të grupit parlamentar të PD, se cili grup do të njihet, Gazment Bardhi u përgjigj se “Çështjet që lidhen me organizimin e Partisë Demokratike i vendos vetëm grupi i deputetëve të PD-së.
Unë jam aktualisht kryetar i grupit parlamentar të PD, dhe do të vazhdoj të ushtroj përgjegjësinë që më kanë caktuar kolegët. Nëse do të jetë e nevojshme do të ketë rizgjedhje dhe rikandidim”, tha Bardhi.
Discussion about this post