Ditën e nesërme është thirrur një tjetër protestë mbarë kombëtare. Në të njëjtën ditë në Tiranë do të zhvillohet dhe koncerti i Kanye Ëest. Nga sheshi, një protestues bëri thirrje për bojkot ndërsa tha se qeveria, nuk i shërben popullin, por paguan e shpërndan bileta falas për koncertin.
“Nuk shpërndan bukë për popullin pro bileta falas. Ata menduan se ky popull do e hante këtë rrenë por rinia e nori në sipërfaqe dhe e denoncoi duke e bojkotuar këtë cirk. Shqiptarët janë këtu në shesh për të kërkuar t drejtat e tyre, për të kërkuar dorëheqjen e Ramës dhe nuk ka më cirk me bileta falas”, tha protestuesi.
Një protestuese tha sot në tubimin e zhvilluara para godinës së Kryeministrisë se qeveria shqiptare mori 4 milionë euro nga fondi i emergjencës, për koncertin e këngëtarit amerikan Kanye West, i cili sipas saj është një artist që po e bojkoton gjithë bota.
Protestuesja tha gjithashtu se Ministria e Arsimit po shpërndan bileta falas për nxënësit e shkollave 9-vjeçare, për të marrë pjesë në koncert.
Por sipas protestueses, koncerti i West nuk është për fëmijët e 9-vjeçares, pasi ka mesazhe eksplicite dhe seksuale.
Diplomën do ta vendos në kornizë. Duke qenë se Ministria e Arsimit është kaq e zellshme për nxënësit e 9-vjeçares, çohen mesazhe në grup për t’u dhënë bileta falas për koncertin e Kenye West. A e di Ministria e Arsimit se çfarë këngësh këndon Kenye West? Ato kanë mesazhe eksplicite, mesazhe seksuale. Nuk janë mesazhe për fëmijë që ju i jepni bileta. Në vend që t’u jepni libra, në vend që t’i çoni nëpër olimpiada, në vend që t’i financoni talentet, ju i shpërbleni me bileta për një koncert eksplicit. Ato s’na pyesin fare për 4 milionë eurot për Kenye West. I mori paratë nga fondi i emergjencës për një artist që po e bojkoton gjithë bota”, tha mes të tjerash një protestuese.
gijotina.com/
Discussion about this post