Protestat kundër qeverisë sot arritën në ditën e 51-të, me qytetarë që si zakonisht u mblodhën fillimisht te sheshi “Skënderbej”, për të marshuar më pas drejt Kryeministrisë.
Organizatori i protestave, Ilir Xhemalaj, nuk la pa një koment deklaratat e kryeministrit Edi Rama për Paketën e Maleve.
“Sot kryeministri tha që nuk tërhiqem nga paketa e maleve, tha do ta bëj si Zvicra…Kush do t’i marrë tokat.. Shqipëria është shpopulluar. E sfidoj kryeministrin të shkojë në fshatin tim në krahinën e Tepelenës, nuk ka rrugë, nuk ka drita nuk ka ujë, nuk ka shërbime, por mbi të gjitha nuk ka njerëz. Atëherë kryeministër, kush do t’i marrë këto toka. Ju duhet të jepni dorëheqjen. Para disa ditësh u kalua edhe një ligj për shitjen e tokave bujqësore. Gjithë Shqipëria është në shitje, kryeministri bën sehir. Duhet të jepni dorëheqjen”, tha ai.
Kryeministri Edi Rama u rikthye në Theth, një vit pas operacionit për prishjen e ndërtimeve pa leje, por kësaj radhe për të diskutuar me banorët për një tjetër nismë që synon zhvillimin e kësaj zone, Paketa e Maleve. Shumë e kontestuar nga protestuesit të cilët prej 52 ditësh kërkojnë shfuqizimin e saj me argumentin se nisma lejon “shitjen e Shqipërisë”, shefi i qeverisë theksoi edhe një herë se në asnjë rast ligji nuk do të anulohet pasi është zhvillim për turizmin në zonat malore.
“Thonë nuk duam të investime të huaja, nuk duam të shesim Shqipërinë. Kush po e shet, kush po e blen Shqipërinë. Ata që janë në investimin e shumë diskutuar të Katarit, që sot kanë blerë çerekun e Parisit, kanë marrë Francën me vete në Katar. Si funksionon?”, theksoi Rama.
Kryeministri hodhi poshtë edhe akuzat se toka do tu falet oligarkëve, duke thënë se të drejtën për të ndërtuar e kanë vetëm banorët në tokën e cila është e pakontestuar.
gijotina.com/
Discussion about this post