Policia e Tiranës njoftoi këtë të enjte arrestimin e një prej protestuesve që ka qenë pjesë e tubimit për dorëheqjen dhe arrestimin e Erion Veliajt.
“Drejtoria Vendore e Policisë Tiranë, në lidhje me aktet e dhunshme të ushtruara gjatë dy protestave të fundit, përpara Bashkisë Tiranë, nga Aleanca për Mbrojtjen e Teatrit, në vijim të veprimeve hetimore e procedurale dhe nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, ndaloi shtetasin: S. B., 48 vjeç, banues në Krujë”, njoftoi policia.
Ndaj tij janë ngritur akuzat për veprat penale “Prishja e qetësisë publike”, “Shkelja e rregullave mbi lëndët plasëse dhe djegëse”, dhe “Shkatërrimi i pronës me zjarr”.
Discussion about this post