Tubimi te Bashkia, Teliti: Dilni në protestë! Ndryshimi vjen duke reaguar

Kohë leximi: 2 min

Eksperti i çështjeve ekonomike në PD Dorjan Teliti ka ftuar qytetarët që të protestojnë nesër përpara Bashkisë së Tiranës.

Teliti shprehet se qytetarët duhet të reagojnë, pasi ndryshimi mund të vijë vetëm në këtë mënyrë.

“Do ndryshim? Ngrihu të protestojmë nesër!

Ndryshimi nuk vjen asnjëherë nga pushtetarët. Ata duan status quo-n, duan privilegjet që kanë, duan të vazhdojnë në pafundësi të abuzojnë me taksat në kurriz të së ardhmes tonë.

Ndryshimi nuk vjen thjesht duke folur me familjarët në shtëpi apo me miqtë e shokët në një kafene.

Ndryshimi nuk vjen thjesht duke ëndërruar për të, nuk vjen as duke ndejtur duarkryq.

Do ndryshimin? Do ti japësh vetes dhe komunitetit një mundësi reale për jetesë dinjitoze? Do të jetosh në një vend ku në piedestal është njeriu dhe jo korrupsioni 100%?

Ndryshimi vjen vetëm duke reaguar.

Ngrihu e protesto, të gjithë bashkë nesër në orën 11.00 para bashkisë për të kërkuar transparencë dhe dorëheqjen e Kryebashkiakut të Tiranës”, shkruan ai në një reagim në rrjetet sociale.