Mbrëmë, lojtarët e Bayernit treguan se nuk ishin në fushë përballë Manchester Cityt, të cilën e humbën me rezultatin 3-0, sfidë e vlefshme për çerekfinalet e Champions League.
Trajneri i klubit nga Munich, Thomas Tuchel, nuk ka mbetur i kënaqur me rezultatin pas ndeshjes dhe beson se skuadra e tij nuk e ka merituar këtë humbje.
“Unë nuk e pranoj këtë rezultat, nuk është realist. Ne luajtëm me guxim, por ata na ndëshkuan brutalisht në periudha të lojës ku ishim më të mirë në fushë. Upamecano bëri një gabim të madh aty ku nuk duhej ta bënte dhe City na ndëshkoi. Ai është një mbrojtës i ri.
Ne e meritonim të shënonim të paktën një gol dhe i dhamë Cityt një ose dy. Sot u dashurova me ekipin tim dhe mënyrën se si ata luajtën e di që është e çuditshme, por është e vërtetë. Jam krenar për lojtarët e mi,” tha Tuchel.
Kujtojmë se City kaloi në epërsi në minutën e 26-të me eurogolin e Rodrit, Bernardo Silva shënoi me kokë në minutën e 70-të për 2-0, ndërsa 3-0 finalen e bëri Erling Haaland në minutën e 76-të.
Ndeshja e kthimit do të luhet në Munich më 19 prill.
Discussion about this post