Trajneri gjerman i Bayern Mynih, Tomas Tuchel nuk është nga ata tipa që dorëzohen e do të provojë përsëri.
Në kohën kur drejtonte Chelsean, trajneri i njohur dëshironte afrimin e holandezit Frenkie de Jong, por kjo kërkesë nuk iu plotësua.
Tuchel, tashmë në stolin e kampionëve gjermanë u ka kërkuar drejtuesve që të bëjnë hapa konkret për të firmosur me mesfushorin e Barcelonës.
Një marrëveshje do të jetë e vështirë, duke patur parasysh që katalanasit nuk do pranonin lehtë të hiqnin dorë nga një futbollist që ka luajtur jo pak por 33 ndeshje në kampionat këtë sezon.
De Jong është pjesë e Barcelonës që në vitin 2019, periudhë në të cilën ai u afrua nga Ajaxi i Amsterdamit.
Discussion about this post