Bayern Munchen i drejtuar nga Tuchel ka siguruar kualifikimin më tej në Champions League madje duke u cilësuar si një ndër skuadrat favorite. 4 fitore në grupe për rekordmenët e Gjermanisë bëjnë që të kualifikohen menjëherë.
Trajneri 50-vjeçar në një prononcim për mediat ka analizuar Milanin dhe ish-skuadrën e tij të Parisit, për të cilët dëshiron të përballet në finale.
“E ndoqa ndeshjen Milan-PSG, sepse jam argëtuar shumë në Paris me skuadrën franceze. Milani ishte shumë i fortë, kuqezinjtë u treguan mbresëlënës. Ata luajtën me shumë intensitet. Gjithsesi, unë mbetem i bindur se PSG do të kualifikohet. Edhe pse grupi është shumë i vështirë. A do të doja të përballesha me PSG-në? Nuk më pëlqen të ndeshem me skuadrat e mia të vjetra. Por në finale, po…”
Tuchel e ka drejtuar PSG për dy sezone ku fitoi 2 tituj, kupën, si dhe mbërriti deri në finalen e Ligës së Kampionëve, ku u mposht pikërisht nga ekipi që drejton aktualisht, Bayern.
Pas aventurës në Francë, trajneri i zhvendos drejt Londrës ku fitoi Championsin, ndërsa më pas u transferua në Gjermani tek ekipi i Bayernit, aty ku fitoi Bundesligën.
Discussion about this post