Hapja e tunelit të Llogarasë dy ditë më parë, mes valleve dhe këngëve, ku nuk mund të mungonte edhe vetë kryeministri dhe ministrat, për të inauguruar këtë vepër madhore, që do të shpëtonte më në fund qytetarët, të cilët kërkonin të mbërrinin sa më shpejt ne brigjet e Jonit, ka bërë që shumë drejtues mjetesh të zgjedhin jugun e Shqipërisë për të kaluar fundjavën.
Që prej orës 7 të mëngjesit, si pasojë e keqmenaxhimit janë krijuar radhë kilometrike me makina në hyrje-daljet e tunelit të Llogarasë.
Të “gënjyer” nga propaganda e dyshes Rama-Balluku, qytetarët janë nisur për të kaluar ditën e diel në jug të vendit por aty janë përballur me vështirësi duke “ngecur” në trafik të rënduar.
Ndryshe nga sa u tha se tuneli i Llogarasë do të lehtësonte trafikun, në këtë zonë po ndodh e kundërta, pasi pushuesit duhet të kalojnë orë të gjata stresuese për të mbërritur në destinacion.
Tuneli i Llogarasë, pasi na kushtoi jo pak, por mbi 200 milionë Euro, jo vetëm që nuk shkurtoi kohën e udhëtimit nga Tirana drejt plazheve të jugut por vazhdon të krijojë radhë të gjata trafiku.
Discussion about this post