Turistes britanike i prishet skafi dhe rrezikon jetën në Himarë

Policia Kufitare i ka ardhur në ndihmë një turisteje britanike, të cilës iu rrezikua jeta pasi mjeti i saj lundrues u dëmtua gjatë lundrimit.

Turistja ndodhej në vendin e quajtur “Shpella e Pëllumbave” në Gjipe, me mjetin e saj të dëmtuar dhe e kishte të pamundur të kthehej në breg. Ajo është nxjerrë në breg nga autoritetet në gjendje të mirë shëndetësore.

Njoftimi i policisë:

Policia Kufitare në Dhërmi i vjen në ndihmë një turisteje britanike, të cilës iu rrezikua jeta pasi mjeti i saj lundrues tip kanoe u dëmtua gjatë lundrimit.

Gjatë patrullimit të zonës së plazhit nga Policia Kufitare, me qëllim garantimin e një sezoni turistik të sigurt për pushuesit, është marrë njoftim nga salla operative e DVKM Vlorë për një turiste e cila ndodhej në det, në vendin e quajtur ”Shpella e Pëllumbave”, Gjipe, me mjetin lundrues tip “Kanoe”, i cili ishte dëmtuar dhe i rrezikohej jeta pasi e kishte të pamundur të kthehej në breg.

Menjëherë pas marrjes së njoftimit, janë organizuar shërbimet e Njësisë Policore Detare për t’i ardhur në ndihmë turistes nga Britania, e cila u nxor në breg në gjendje të mirë shëndetësore.

gijotina.com/