Një turist holandez 64-vjeçar është denoncuar i zhdukur nga bashkëshortja. Kjo e fundit ka deklaruar se i shoqi është marrë nga rrjedhja e lumit Osum në kanionet e Skraparit.
Policia njoftoi se në spitalin e Çorovodës është paraqitur për ndihmë mjekësore shtetasja holandeze H.(V. A.) C.S., 64 vjeçe. Ajo paraprakisht ka deklaruar se së bashku me bashkëshortin e saj shtetasin J.A.S., 68 vjeç, ishin futur për të notuar në kanionet e lumit Osum. 64-vjeçarja ka treguar se ka mundur të dalë nga lumi, ndërsa bashkëshortin e saj e ka marrë rrjedha e ujit.
Shërbimet e Komisariatit të Policisë Skrapar, ato të DVP Berat, si dhe shërbimet zjarrfikëse kanë shkuar në kanion dhe po vijojnë kërkimet në lumin Osum. Në ndihmë të shërbimeve të Policisë Vendore, janë nisur polumbarët e Repartit Special “RENEA”, me qëllim gjetjen e shtetasit J. A. S.
Një hetim ka nisur për sqarimin e rrethanave të rrethanave të kësaj ngjarjeje.
Discussion about this post