Një familje italiane ka dhënë alarmin pasi kanë humkbur kontaktet me vajzën e tyre e cila ndodhej për pushime në Tiranë.
Në mesazhin drejtuar shqiptarëve, të cilëve u kërkojnë ndihmë, familja italiane shprehet se vajza e tyre duhej të kishte mbërritur ditën e dielë në Itali, por ajo nuk u shfaq në aeroport.
Prindërit thonë se prej ditës së djeshme nuk kanë asnjë kontakt me vajzën e tyre.
Ata i bëjnë apel qytetarëve shqiptarë që mund të kenë dijeni të kontaktojnë Policinë e Tiranës apo Ambasadën Italiane në Tiranë.
Apeli i prindërve italianë:
Unë dhe bashkëshorti im kërkojmë ndihmë nga komuniteti shqiptar, por jo vetëm, veçanërisht nga ata që jetojnë në zonën e Tiranës.
Vajza jonë Olga ishte me pushime në Tiranë (zona e Astirit) dhe duhej të kthehej në Itali mbrëmjen e djeshme.
Ajo nuk u shfaq në aeroport dhe nuk kemi dëgjuar më për të. Tashmë autoritetet kompetente kanë ndërhyrë për ta gjetur, por ndihma e kujtdo që e ka parë së fundmi apo e ka takuar do të ishte shumë e dobishme.
Kushdo që ka informacion të dobishëm mund të shkruajë në kutinë postare [email protected] , të kontaktojë drejtpërdrejt me policinë e Tiranës dhe Ambasadën Italiane në Tiranë.
Ju lutem shperndajeni sa më shumë
Faleminderit për bashkëpunimin
Discussion about this post