Sekretari amerikan i Shtetit, Antony Blinken ka mbërritur në Qipro për një ndalesë të shpejtë, ku do të takohet me Presidentin Nikos Christodoulides dhe do ta falënderojë për ndihmën e vendit të tij në tranzitimin e amerikanëve nga Izraeli.
Qeveria amerikane muajin e kaluar ndihmoi në evakuimin e qytetarëve amerikanë nga Izraeli në Qipro përmes detit.
Një ekip i CNN në terren në qytetin izraelit të Haifës foli me qytetarë amerikanë që prisnin të hipnin në një anije turistike në ishullin e Mesdheut në një udhëtim që zgjati rreth 12 orë.
Sekretari Blinken zbarkoi në Larnaka, Qipro, të dielën herët pasdite.
Përveç presidentit, Blinken pritet të takohet edhe me ministrin e jashtëm qipriot, Konstantinos Kombos.
Discussion about this post