Ish kryeministri Sali Berisha ka komentuar përplasjen mes kryeministrit Edi Rama dhe Bullgarisë, ku vetëm sot kjo e fundit i kërkoi Ramës të bënte kujdes me gjuhën e përdorur.
Berisha e konsideron si turp dhe të rëndë retorikën e Ramës, ndërsa në emër të opozitës i kërkoi ndjesë popullit shqiptar për gjuhën e përdorur nga kryeministri.
“Etiketimi i tyre si priftërinj, me idenë për t’i fyer është një mendësi që buron nga etërit e tij. Do e quaja një skandal të rëndë sulmin që i bëri një vendi mik, Bullgarisë. Dua t’i them shqiptarëve se në të paktën 32 vitet e fundit ky vend ka të regjistruar në arkivat e saj me qindra vendime e akte miqësore me Shqiptarët. Turpi të mbulojë Ramën, që i jep një vendi mik në publik, turpin si një ordiner. Bullgaria është një vend mik, çdo kryeministër i vendit ka gjetur në atë vend vecse miq. Ai nuk meriton të përfaqësojë shqiptarët asnjë ditë më. Në emër të opozitës shqiptare i kërkoj ndjesë popullit shqiptar dhe qeverisë, e garantoj se nuk është ky mendimi i shqiptarëve”, tha Berisha.
Discussion about this post