Pas humbjes së rëndë në zgjedhjet për kryebashkiak, deputetët e PD janë kthyer të gjithë kundër Bashës dhe hedhin kritika të shumta ndaj tij. Në lidhje me këtë çështje ka reaguar sot edhe deputeti Ferdinand Xhaferraj, i cili gjatë një interviste tha se Basha duhet të japë dorëheqjen. Sipas tij situata po bëhet qesharake dhe po ul shumë poshtë siglën e PD.
“Basha nuk mundet të vijojë. Jemi në vitin 2022, një vend i ndodhur në Europë, janë humbur 4 palë zgjedhje, dhe ai nuk jep dorëheqjen. Është tragjedi dhe komedi bashkë, që na bën të gjithëve të ndjehemi të turpëruar. Heqja e dualizmit nga Berisha mund të provonte një lidership ndryshe nga ana Lulzim Bashës, por zgjedhjet e 6 Marsit nuk e treguan këtë. Kam bindjen se brenda grupit parlamentar kemi figura.
I kuptoj demokratët që thonë se edhe ju jeni të vonuar. I kam renditur të gjitha problematikat që ka PD-ja. Gjithmonë kam besuar që jemi pjesë e gjësë, dhe mendonim të vazhdojmë se nuk kemi pasur gjë personale me Lulzim Bashën. Por gjithmonë e kemi mbështetur. Nuk e kuptoj si një njeri i arsimuar në Perëndim nuk e kupton problematikën”, tha ai. Sakaq, i pyetur nëse i druhet një përjashtimi nga Basha, ai tha se nuk ka frikë pasi mbi 30 vjet jep kontributin e tij në PD.
Discussion about this post