Moderatori Labinot Gashi ka qenë i pranishëm në puntatën e radhës së “Dance Albania”. Ai tregoi hapur mbështetjen e tij për këngëtaren Orgesa Zaimi. Jo vetëm kaq, por ai nuk ka lënë pa ironizuar edhe aktorin Ermal Mamaqi.
Madje, Labinoti nuk e kurseu edhe një ironi: “Turp për Ermalin. Jep mend, vlerësim, qesh, bën humor, kritika, dhe se mësoi dot vetë një padjeshkë!”
Por direkt ka ardhur një përgjigje nga anëtari i jurisë. Ermali i bën me dije se shumë shpejt do të ngjitet në skenë së bashku me Amin, ku do të dhurojnë një kërcim.
“Kam frikë se shumë shpejt do të të zhgënjej sepse kam ndër mend që të vij me një kërcim me Amin”, tha Ermali.
Ermal Mamaqi njihet për natyrën e tij ngacmuese si dhe për pyetjet pikante që ka herë pas here për konkurrentët.
Së fundmi, ai ka ngacmuar Melisa Lleshin, pas performancës së saj në skenën e “Dance Albania”. Ai pyeti nëse ajo kishte veshur ose jo të mbathura.
“Instagrami im po shpërthen Alketa, se njerëzit duan të dinë, a kishte të mbathura apo jo Melisa”, ka thënë ai.
Por Melisa ka zgjedhur të heshtë e të mos reagojë aspak.
Discussion about this post