Pas finales së “Dancing With the Stars” ku fituese u shpall blogerja Sara Hoxha, ka reaguar Ardit Çuni. Këngëtari falenderon publikun dhe vetëm dy anëtarët e jurisë, Dalina Buzi dhe Armand Pezën. Ai nënkupton kështu se është i zhgënjyer nga Kledi Kadiu dhe Valbona Selimllari.
“Më vjen të shkruaj shumë gjëra, pastaj them pse t’u jap material portaleve. Zgjodha pikërisht këtë moment sepse m’u bë zemra mal që realizova një nga ato performanca që i kisha ëndërruar dhe ia dolëm me shumë sukses.
Dalina faleminderit që me komentet e tua shpeshherë më bëje me krahe e shpeshherë më jepje motivim për të qenë më i mirë! Mandi gjithmonë suportues dhe që në javën e parë pe tek unë pretendentin për të fituar çmimin e madh. Për pjesën tjetër zgjedh të hesht… është me mirë kështu! Mendoj që në këtë botë kaq të egër, secili e mban vetë përgjegjësinë e veprimeve, por ka dhe nga ato raste që siç thotë populli që “turpin e hanë me bukë.”
Discussion about this post