Turqi/ Presidenti i klubit hedh me një grusht në tokë arbitrin

Drejtuesit e futbollit turk i pezulluan në mënyrë të menjëhershme të gjitha ligat pasi një gjyqtar u godit me grusht nga një president klubi pas një ndeshjeje të Superligës.

Halil Umut Meler u godit nga presidenti i MKE Ankaragucu, Faruk Koca, i cili vrapoi në fushë pasi ekipi i tij pësoi golin e barazimit në minutën e 97-të në barazimin 1-1 me Caykur Rizespor.

“Ndeshjet në të gjitha ligat janë shtyrë për një kohë të pacaktuar. Ky sulm është një natë turpi për futbollin turk”, tha në një konferencë shtypi kreu i federatës turke, Mehmet Buyukeksi.

Ankaragücü Başkanı Faruk Koca Maç Sonunda Hakem Halil Umut Meler Saldırdı!#halilumutmeler pic.twitter.com/5m2keVwMiJ

— baskan.1903 (@nedimhancer) December 12, 2023

Meler mori goditje dhe nga persona të tjerë ndërsa ishte shtrirë në tokë dhe pësoi lëndime, duke përfshirë një frakturë të lehtë. Incidenti shkaktoi skena kaotike ku u përfshinë lojtarë dhe zyrtarë të klubit.

Melerështë një nga gjyqtarët më të mirë të Turqisë dhe drejton ndeshje ndërkombëtare për FIFA-n. Ai është gjithashtu në listën e elitës së arbitrave të UEFA-s.

Presidenti Erdogan reagoi gjithshtu pas skenave tronditëse.

“Dënoj sulmin ndaj gjyqtarit Halil Umut Meler pas ndeshjes MKE Ankaragucu-Çaykur Rizespor të luajtur këtë mbrëmje dhe i uroj shërim të shpejtë. Sport do të thotë paqe dhe vëllazëri. Sporti është i papajtueshëm me dhunën. Nuk do të lejojmë kurrë që të ketë dhunë në sportet turke”, tha Erdogan.