Luftëtarët talibanë tashmë kanë marrë kontrollin e gjithë vendit, në Afganistan, duke shkaktuar trazira. Alarm i kuq është ngritur edhe për vendet jo evropiane të cilat nuk pranojnë me ngulm strehimin e afganëve në territorin e tyre. Një nga këto vende është edhe Turqia zyrtarët e lartë të së cilës refuzojnë në të gjitha mënyrat kalimin e të huajve në shtetin Turk.
Më herët presidenti Erdogan ngriti shqetësimin e krijimit të një krizë të re emigracioni. Por nga ana tjetër burime bëjnë me dije se Turqia ka evakuar të paktën 40 zyrtarë të lartë të qeverisë afgane nga Kabuli të hënën, të fshehur në një fluturim riatdhesimi të Turkish Airlines që u ul në Stamboll me 324 pasagjerë në bord. Midis tyre janë; zëvendës presidenti Sarëar Danish, ministri i jashtëm Mohammad Hanif Atmar dhe kreu i Drejtorisë së Sigurisë Kombëtare, Ahmad Zia Sraj, si dhe tre ish-ministra të tjerë dhe disa deputetë.
