Turqia jep sinjal pozitiv për luftën/ Ukraina dhe Rusia shumë pranë marrëveshjes

Turqia ka siguruar se Rusia dhe Ukraina kanë bërë përparim në negociata dhe janë afër një marrëveshjeje për t’i dhënë fund pushtimit.

Ministri i Jashtëm i Turqisë, Mevlut Çavushoglu, i cili po ndërmjetëson bisedimet e paqes midis Ukrainës dhe Rusisë ka thënë se nuk është një gjë e lehtë të pajtohesh ndërsa lufta po vazhdon, ndërsa civilët vriten, por nga ana tjetër ai shtoi se palët janë afër marrëveshjes.

Sipas burimeve për BBC, Çavushogl vizitoi Rusinë dhe Ukrainën këtë javë, pasi Turqia ka lidhje të forta me të dy palët.

Ai shtoi se Turqia ishte në kontakt me ekipet negociuese, por refuzoi të fliste për detajet e bisedimeve pasi Turqia luan një rol të ndershëm ndërmjetësues dhe lehtësues.

Sakaq, për nesër është paralajmëruar bisedime të reja mes palëve.