Shpimet për hidrokarbure të planifikuara nga Qiprua e Greqia kanë sjellë acarimin e Turqisë. Sipas Turqisë, pretendimet e tyre janë të paligjshme, këtë gjë e ka përmendur nëpërmjet një deklarate të ministrisë së jashtme.
Në reagim thuhet se asnjë veprim nuk mund të bëhet pa dijeninë dhe përfshirjen e Ankarasë. Kjo që Greqia e Qipro po bëjnë është një injorim për turqit.
Ndër të tjera, sipas asaj që shkruhet, Turqia kërcënon se veprimet do të vazhdojnë, atëhere do të ketë një reagim për të dyja shtetet.
“Asnjë iniciativë e këtij lloji nuk mund të jetë e suksesshme pa përfshirjen e Ankarasë. Të drejtat dhe interesat e Turqisë dhe turko-qipriotëve nuk mund të injorohen. Vëmë re se vazhdojnë përpjekjet për dërgimin e anijeve kërkimore në shelfin tonë continental. Nuk do të lejojmë që të na shkelen të drejta; nëse kjo ndodh, pala turke do të japë përgjigjen e nevojshme”, thuhet në deklaratë.
Turqia i cilëson këto veprime si shkelje e të drejtave sovrane, pasi është vendi me vijën më të gjatë bregdetare në Mesdheun Lindor.
