Turqia ka këkruar nga kompania amerikane “Lockheed Martin” blerjen e 40 avionëve luftarakë F-16, por ende nuk dihet se cila do të jetë përgjigja e SHBA-ve, të cilat e kanë përjashtuar Ankaranë nga programi i blerjes së avionëve të tyre të avancuar, pasi turqit blenë sistemet raketore ruse S400.
Kjo kërkesë e Turqisë vjen pasi Franca e Greqia nënshkruan një marrëveshje bashkëpunimi në fushën e mbrojtjes. Sipas paktit, Athina do të blejë tre fregata Belhara dhe tre korveta nga Parisi, ndërsa francezët do t’u vijnë në ndihmë grekëve ushtarakisht nëse u kërkohet një gjë e tillë.
Tashmë Turqia po synon të forcohet ushtarakisht përballë aleancës franko-greke në MEsdhe, duke rritur edhe presionin mbi Athinën. Ministri i jashtëm turk, Mevlut Cavusoglu deklaroi së fundi se vendi i tij mund të shpallë një zonë ekskluzive ekonomike në Mesdheun Lindor.
