Turqia ka njoftuar se është duke mbyllur hapësirën ajrore për avionët civilë dhe ushtarakë rusë që kanë si destinacion Sirinë. Ministri i Jashtëm turk Mevlut Cavusoglu thotë se ndalimi do të qëndrojë në fuqi për tre muaj.
Ky hap i marrë nga Rusia minon fushatën ajrore në shkallë të gjerë të Rusisë në mbështetje të presidentit sirian Bashar al-Assad, duke i detyruar avionët rusë të marrin rrugë më të gjata. Turqia mbështet grupet e rezistencës në Siri që kundërshtojnë presidentin Assad.
Turqia, anëtare e NATO-s, është përmbajtur nga sanksionet e gjera të vendosura ndaj Rusisë nga BE dhe SHBA për pushtimin e saj në Ukrainë. Por ajo ka bllokuar anijet luftarake ruse që të hyjnë në Detin e Zi përmes ujërave të saj.
Qeveria turke po përpiqet të ndërmjetësojë mes Rusisë dhe Ukrainës për të arritur një armëpushim. Miliona rusë shkojnë me pushime në Turqi çdo vit, por konflikti në Ukrainë pritet të shkaktojë një rënie të madhe të vizitave nga rusët dhe ukrainasit këtë vit.
Discussion about this post