Turqia nuk gjen qetësi, sërish tërmet

Turqia nuk gjen qetësi, sërish tërmet. Një tërmet 6.4 ballë sapo ka rënë në kufirin turko-sirian.

Tërmeti ka rënë sërish në provincën e Hatay, pikërisht në vendin ku shumë persona humbën jetën nga lëkundjet e forta të mëparshme.

AFAD bëri të ditur se në orën 20:04 me orwn lokale ka ndodhur një tërmet me magnitudë 6.4 ballë, epiqendra e të cilit ka qenë distrikti Defne i Hatajit.

AFAD njoftoi se në orën 20:07 ka ndodhur një tjetër pasgoditje me magnitudë 5.8 ballë, epiqendra e së cilës ishte zona Samandag i Hatay.

Tërmeti është ndjerë edhe në qytetet përreth. Gazetari i CNN TURK, Buse Deviren e përshkroi tërmetin me lot. Buse Deviren tha: “Toka na rrëshqiti nga poshtë këmbëve. Ne ishim brenda qytetit. U drodhëm në mënyrë të pabesueshme. Fëmijët ishin shumë të frikësuar. Ishte një tërmet tepër i madh. Nuk ishte një tërmet si një pasgoditje”, tha gazetari.