“T’vras ty dhe prindërit e tu”, 21-vjeçarja denoncon ish të dashurin

Një vajzë e re ka kërkuar ndihmën e policisë pasi ish i dashuri i saj e ka kërcënuar me mesazhe telefonike.

Ngjarja që ka vënë në lëvizje policinë ka ndodhur në Prishtinë.

Sipas mediave në Kosovë, 21-vjeçarja ka pohuar para policisë se i dyshuari vazhdimisht i bën presion që të qëndrojnë bashkë, duke e kërcënuar se do ta vrasë atë dhe prindërit e saj.

Si rezultat i denoncimit, njësitë policore kanë arritur që të arrestojnë të dyshuarin, i cili më pas është shoqëruar në stacion policor për intervistim.

Pas përfundimit të procedurave policore, Prokurori i Shtetit ka nxjerrë aktvendim që 21-vjeçari të dërgohet në paraburgim me dyshimet për kryerjen e dy veprave penale ‘Kanosje’ dhe ‘Ngacmim’.