Rrjeti social Twitter ka kufizuar veprimtarinë e kreut të Partisë Demokratike, Lulzim Basha në llogarinë e tij duke paralajmëruar ndjekësit se ajo është një ‘llogari (account)e dyshimtë’.“Kujdes! Kjo llogari është e kufizuar përkohësisht. Po e shihni këtë paralajmërim sepse ka pasur disa aktivitete të pazakonta nga kjo llogari“, njofton ‘Twitter’ në profilin e kreut të PD-së.
Ende nuk dihet se çfarë ka ndodhur me rrjetin social të Bashës, ndërsa egziston mundërsa që dikush të ketë tentuar të ‘vjedhë’ llogarinë e tij. Arsyet e tjera pse mund të jetë kufizuar llogaria e Bashës në Twitter lidhen edhe dërgimin e përgjigjeve të automatizuara, postimi i mesazheve të ngjashme mbi shumë llogari (spam), përdorimi i robotëve ose aplikacioneve për të postuar mesazhe të ngjashme bazuar në fjalët kyçe, etj. Nga ana e kreut demokrat nuk ka pasur ende një reagim.
