Banorët e zonës së Urës Vajgurore kanë ngritur alarmin pas intensifikimit të aktivitetit të guroreve, të cilat, sipas tyre, janë kthyer në një kërcënim serioz për jetën dhe shëndetin publik.
Në një denoncim të bërë në media:
“Sapo mori mandatin Edi Rama, shikoni çfarë po ndodh me guroret! Kjo është krim! Nuk kemi faj pse të tjerë votojnë për interesa personale, ndërsa ne detyrohemi të jetojmë mes pluhurit, zhurmës dhe frikës. Nuk duam të vdesim për një jetë që po na mohohet.”
Banorët shprehen se puna e pandërprerë e guroreve po shkakton ndotje masive, rritje të rrezikut për sëmundje respiratore, si dhe dëmtime të infrastrukturës, ndërsa institucionet shtetërore nuk kanë marrë asnjë masë konkrete.
Ata i bëjnë thirrje Bashkisë Berat, Ministrisë së Mjedisit dhe Inspektoriatit të Mjedisit që të ndërhyjnë urgjentisht për të pezulluar aktivitetin e paligjshëm dhe të mbrojnë jetën e qytetarëve.
Discussion about this post