Një video është publikuar pasditen e kësaj të hëne nga kreu i PD-së, Sali Berisha, ku një re tymi shfaqet në tarracën e bashkisë së Tiranë.
Kryedemokrati Sali Berisha pretendon se po digjen prova dhe dokumente me urdhër të kryebashkiakut Erion Veliaj, i cili prej dy javësh ndodhet në qeli me urdhër të SPAK
“Lali Vjedhësi po djeg prova dhe dokumenta!”, shkruan kryedemokrati.
Ende nuk dihet se çfarë është djegur në tarracën e Bashkisë, ndërsa tymi ka qenë prezent gjatë orëve të mesditës së sotme.
Kujtojmë që zona e tarracës së Bashkisë së Tiranës është përdorur nga Erion Veliaj për ceremoni të ndryshme.
Erion Veliaj u arrestua në zyrën e tij në Bashki më 10 shkurt si i dyshuar për kryerjen e veprës penale të “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë) dhe “Pastrimi i produkteve të veprës penale ose veprimtarisë kriminale”. Bashkëshortja e kryebashkiakut, Ajola Xoxa është lënë në masë sigurimi “detyrim paraqitje”.
Sipas SPAK nga të dhënat konkrete të mbledhura deri në këtë fazë të hetimit paraprak, në mënyrë të përmbledhur rezulton se, nga personat nën hetim, specifikisht Veliaj edhe bashkëshortja e tij është ideuar, krijuar dhe vënë në funksionim një mekanizëm që ka synuar dhe ka bërë të mundur, në praktikë, marrjen e përfitimeve të parregullta, të cilat burojnë nga fondet publike që administrohen nga Bashkia Tiranë, përmes titullarit të saj, me qëllim pasurimin personal të këtij të fundit dhe familjes së tij, përmes veprimeve të kamufluara dhe të kundërligjshme.
Discussion about this post