Katër punonjës të Gardës së Republikës janë pezulluar nga detyra. Shkak për vendimin është bërë neglizhenca e treguar prej tyre në ushtrimin e detyrës.
Të katër gardistës janë pjesë e trupës së sigurisë në Kuvendit e Shqipërisë. Gardistët e pezulluar, sipas vendimit, nuk parandaluan futjen e tymueseve në mjediset e brendshme të Parlamentit, të cilat më pas u përdorën nga opozita, me nisjen e seancës parlamentare.
Tymueset janë futur në Kuvend nga deputetet Lindita Metaliaj dhe Elda Hoti, që i mbanin në çantat e tyre, ndërsa u aktivizuan në seancë nga deputeti Saimir Korreshi. Të 3 deputetët e opozitës nuk do të marrin pjesë në punimet e Parlamentit për 10 ditë, bazuar në një vendim të Sekretariatit Etik që u vu në lëvizje pas kërkesës së 7 deputetëve socialistë, që kërkonin përjashtimin e Metaliajt, Hotit dhe Korreshit.
Discussion about this post