U aksidentua në Astir, “AUDI” i Armina Mevlanit “copë-copë” (FOTO)

Pamjet që shihni janë siguruar nga aksidenti me makinë disa minuta më parë e blogeres së njohur Armina Mevlani.

Në fotot e publikuara më poshtë shihet se makina tip “AUDI” e Mevlanit është shkatërruar në pjesën e përparme.  Ngjarja mësohet të ketë ndodhur këtë mesditë në Tiranë, pranë një kryqëzimi në Astir.

Nga të dhënat paraprake, blogerja njëkohësisht e fejuara e djalit të ish-kryeministri Sali Berisha, Shkëlzen, mësohet se ka qenë duke udhëtuar me një “Audi Q5” me ngjyrë të bardhë dhe është përplasur me një kamion mallrash.

Po ashtu nga fotot e siguruara nga Gijotina.com mësohet se ka vetëm dëme materiale dhe jo në njerëz. Mevlani dhe personat që ndodheshin në mjetin tjetër janë në gjendje të mirë shëndetësore.

Paraprakisht dyshohet se shkak i aksidentit janë bërë manovrat e shpejtësisë, ndërsa policia nuk ka qenë në patrullim, për ta parandaluar.

Gijotina.com raporton se bilanci  i aksidenteve rrugore vijon të rritet.