Në orët e para të ditës së sotme në Qendrën Klinike Universitare të Kosovës (QKUK) ka ndërruar jetë 62-vjeçari i cili ishte aksidentuar një ditë më parë ndërsa po lëvizte me biçikletë në rrugët e Ferizaj.
Lidhur me ngjarjen bëhet me dije se aksidenti ndodhi të mërkurën në drekë në rrugën “Riza Matoshi” në Ferizaj ku një makinë me targa vendore të cilën e drejtonte një 39-vjeçare përplasi çiklistin tashmë të ndjerë.
62-vjeçari u dërgua menjëherë për ndihmë mjekësore në Qendrën Emergjente në Ferizaj e më pas u transportua në QKUK në Prishtinë ku edhe ndërroi jetë.
Ndërsa, drejtuesja e automjetit vazhdon të mbahet në paraburgim për procedura të tjera hetimore.
Discussion about this post