Teksa “beteja” Basha-Berisha vijon, akuzat dhe ironitë nuk kanë munguar nga përfaqësuesit e të dyja palëve. Më e fundit ishte edhe akuza e Sali Berishës për vizitën e deputetit Agron Gjekmarkaj në Itali, duke thënë se e ka pirë kafen 250 euro. Ky i fundit ka zbuluar se sa kushtuar në të vërtetë fatura e kafesë, që e vuri në qendër të vëmendjes.
Gjekmarkaj ka treguar edhe qëllimin e vizitës, duke pretenduar se në Itali kanë biseduar me përfaqësues politik dhe të biznesit. E më pas janë zhvendosur në një kafe të Piazza Duomos. Ndërsa shton, se “ndiqej” me sy nga një çift.
“Ne ishim të ftuar nga “Konrad Adenauer” në një trajtim 4 ditor, një ditë ishim në Milano se kishim takim me përfaqësues politik dhe të biznesit, pasi përfunduam punën, shkuam në një kafe, afër diellit në Piazza Duomo. Mungesa e përvojës më shtyu që ta sqaroja, e parashikova se ishte një zotëri me të shoqen që na shikonte me një farë tinëzie dhe qeshëm, se duke pirë kafe do përfundonim në lokale. Në politikë t gjitha instrumentet qenka legale, madje lufta brenda llojit është më e egër se ajo e specieve të ngjashme”, ka treguar ai.
Po ashtu Gjekmarkaj ka shtuar se në tavolinë ishin 13 vetë, duke pretenduar se edhe fatura prej 139 euro justifikohej. “Pazar të shtrenjtë në Itali. Banale, të them, ne pimë një kafe ishim 13 veta, fatura na shkoi 139 euro, na shkon diku te 12 euro në Itali, ndërsa për të blerë nuk blemë asgjë, një nga koleget tona kishte blerë një çantë te Zara, e kishte te këmbët që e kishte fiksuar fotografia”. Shumë pak kanë folur? Në partinë tonë e kanë zakon që flasin pak”, ka përfunduar ai.
Discussion about this post