Gjykata e Apelit ka liruar nga burgu, Rexhep Gjunin, gjyshin i cili akuzohet për rrëmbimin e nipit të tij 3-vjeçar, duke e vendosur nën masën “arrest në shtëpi”.
Gjuni u arrestua së bashku me Arben Salajn, kunatin e tij, ndaj të cili po ashtu është ndryshuar masa e sigurisë pasi nëna e të miturit denoncoi në polici rrëmbimin e fëmijës së saj nga gjyshërit nga ana e babait.
Bëhet fjalë për ngjarjen e ndodhur në Durrës, ku të dy gjyshërit e 3-vjeçarit mbajtën të fshehur nipin për 8 ditë me radhë, ata donin ta rrisnin vetë vogëlushin, pasi që pas vdekjes së djalit të tyre, 3-vjeçari jetonte me nënën e tij dhe me prindërit e saj.
Për këtë arsye gjatë një takimi me të miturin ata e morën atë dhe e fshehën nga nëna e tij e cila bëri edhe denoncimin.
Pasi u dorëzua në polici gjyshja e të miturit deklaroi se për 8 ditë kishin qëndruar të fshehur në Kukës dhe Has.
Discussion about this post