Kërkimet për arratisjen e shqiptarin 27-vjeçar, Kristian Mëhilli nga burgu i Verçelit në Itali, natën e ndërrimit të viteve, vijojnë me intensitete.
Sipas Sekretarit të Përgjithshëm të Sindikatës së Policisë së Burgjeve të Sapës, Donato Capece kjo ishte një arratisje e paralajmëruar, pasi ai vazhdimisht kishte ngritur zërin në lidhje me mungesën e kushteve të sigurisë në disa burgje italiane.
“Ishte një arratisje e paralajmëruar. Prej disa kohësh siguria e brendshme e burgjeve është asgjësuar nga masa të liga si survejimi dinamik dhe regjimi i hapur, largimi i rojeve të Policisë së Burgjeve nga muret e burgut, mungesa e stafit të policëve të burgjeve, mungesa e fondeve për shërbimet kundër ndërhyrjes dhe kundër ngjitjes dhe, siç dëshmohet nga turpi i murit të burgut të Vercellit, i cili prej vitesh është i papërdorshëm në indiferencën e drejtuesve të ministrive dhe departamenteve, pavarësisht ankesave tona, ndoshta kjo arratisje nuk do të kishte ndodhur”, u shpreh Donato Capece.
Arratisja
27-vjeçari është arrestuar si anëtar i bandës “Ice Eyews” që akuzohen se kishin kryer një sërë grabitjesh të vilave në territorin piemontez te Italisë.
Së bashku me të ka tentuar arratisjen dhe një tjetër i burgosur shqiptar, me të cilin ndodhej në të njëjtën qeli, por ky i fundit është kapur nga rojet e burgut. Pasi kanë sharruar hekurat e dritares së qelisë, me çarçafë të lidhura litar, dy shqiptarët kanë mundur të zbresin nga kati i katër i qelisë në murin e brendshëm të burgut.
Discussion about this post