Kohët e fundit qarkulloi lajmi se kryetari i Partisë së Lirisë, Ilir Meta, është larguar nga Shqipëria, për shkak të frikës së një arrestimi të mundshëm nga SPAK.
Por duket se ky lajm nuk është i vërtetë, pasi Ilir Meta është është parë i vetëm, teksa shëtiste në këmbë në qendër të Tiranës.
Më pas ai është parë duke konsumuar kafen në një lokal pranë stadiumit Air Albania.
Mungesa e tij është interpretuar nga analistët dhe disa media si largim i qëllimshëm, pasi distancimi nga daljet publike koinciuduan në një kohë kur Sali Berisha u shpall person nën hetim dhe dhëndri i tij u la në burg për privatizimin e ish-Klubit Partizani.
Pas këtij lajmi i cili qarkulloi me shpejtësi në media dhe u diskutua gjerë e gjatë në studiot televizive erdhi dhe reagimi i Partisë së Lirisë. Ishte Elona Guri ajo e cila tha se raportet mediatike janë të pavërteta dhe “eksitim i Rilindjes”, si një përpjekje e dëshpëruar dhe qesharake për të mbuluar aferat dhe përgjegjësitë e tyre.
“Eksitimi i Rilindjes me Fake News është një përpjekje e dëshpëruar dhe qesharake për të mbuluar aferat dhe përgjegjësitë e tyre direkte, prej të cilave nuk shpëtojnë dot. Mali i dokumenteve, fakteve dhe provave, nuk zhbëhen dot me asnjë lloj shashke apo gënjeshtre”, tha Guri.
Mësohet se Ilir Meta ka qenë jashtë vendit për disa ditë, ndërkohë që është kthyer të premten në Tiranë.
Theksojmë se ish-presidenti i Shqipërisë dhe kryetari i Partisë së Lirisë, Ilir Meta është thirrur muaj më parë për të dëshmuar në Prokurorinë e Posaçme (SPAK) dhe ka dëshmuar për disa orë. Hetimet, sipas atyre që kanë rrjedhur në media, lidhen me një lobim jashtë vendit dhe çështjen ÇEZ-DIA.
Discussion about this post