Hetimet e Policisë së Departamentit të Sigurisë së Kos janë në vazhdim e sipër për gjetjen e një shtetaseje shqiptare 14-vjeçare e cila u zhduk nga shtëpia e saj më 9 shtator 2022.
Sopas mediave greke, nga informacionet e reja ajo dyshohet se është “rrëmbyer” nga një bashkatdhetar dhe ka udhëtuar me të për në Athinë.
Më datë 11.09.2022, rreth orës 02:35 minuta, në Departamentin e Sigurimit të Kos është denoncuar zhdukja e vajzës nga babai i saj 47-vjeçar. Në veçanti, ai ka raportuar se e ka parë vajzën e tij për herë të fundit të premten, më 9 shtator 2022 rreth orës 07:00 kur ajo doli nga shtëpia për të shkuar në punë.
Në orën 08:30 e ka kontaktuar në celularin e saj dhe i ka thënë se do të shkonte në det me miqtë e tij. Ai e telefonoi sërish në orën 15:30 në celularin e një shoqeje me të cilën e dinte se po shoqëroheshin dhe i tha të kthehej në shtëpi. Që atëherë ai nuk ka mundur të kontaktojë më me të.
Pasditen e datës 11.09.2022, një shtetas shqiptar 49-vjeçar ka shkuar në Departamentin e Sigurisë në Kos dhe ka deklaruar se djali i tij 20-vjeçar ndodhet me vajzën 14-vjeçare në një vend të panjohur.
Në veçanti, ai ka bërë me dije se më 10 shtator 2022, djali i tij i ka thënë se është me të miturën, se ajo është në gjendje të mirë shëndetësore dhe se nuk dëshiron të kthehet në shtëpinë e saj. Që atëherë ajo nuk ka kontaktuar më me familjen.
Nga hetimet rezultoi se 20-vjeçari ka udhëtuar në orën 19:50 të datës 9 shtator 2022 nga Kos për në Pire, në orën 09:40 të datës 10 shtator 2022 me anijen “ARIADNI”.
Discussion about this post