Në një konferencë që po zhvillon ditën e sotme me mediat, ish-kryeministri Sali Berisha ka folur për arrestimin e Alqi Bllakos. Ai tha se faktet që policia dhe SPAK nxjerrin tregojnë se Bllako u arratis, pro pas bujës në media e kthyen me helikopter. Sipas Berishës policia, me urdhrin që Gledis Nano mori nga Çuçi, gënjeu për vetedorëzimin e Bllakos.
“Në mënyrë flagrante përpjekjen anti-ligjore të qeverisë për mbrojtjen e tij, qytetarët nuk panë asnjë moment një sekuencë të komisionit të mandateve të parlamentit për të vendosur për imunitetin e tij. Ai hoqi dorë me shkrim por nuk është i deputetit imuniteti, është i Parlamentit me Kushtetutë. Komisioni e ftonte dhe e përgëzonte për vendimin e marrë, por nuk e mbyllte procesin. Ishte parlamenti që do të votonte edhe heqjen e imunitetit. Kjo nuk ndodhi! Organizata e inceneratorëve nuk lejoi që të ndodhte asnjë prej tyre. Bllako u zhduk, njeriu që tha nuk kam imunitet u zhduk për 13 orë. Zërat thonë se u arratis në Qafë Botë në Greqi, nuk e di s’kam asnjë fakt .Thonë se u kthye me helikopter. Por Policia qëndroi në anën e Bllakos”, tha Berisha. Ndërsa theksoi në fund i bindur, se personi i fundit që takoi Bllakon ishte kryeministri Edi Rama. Sipas tij takimi është bërë në një nga vilat qeveritare në Tiranë.
Discussion about this post