Ish-Presidenti i Afganistanit, Ashraf Ghani i cili u largua nga vendi pas largimit të trupave të SHBA-ve dhe aleatëve, është strehuar në Emiratet e Bashkuara Arabe.
Emiratet e Bashkuara Arabe bënë të ditur se presidenti bashkë me familjen e tij po qëndrojnë në vend për “konsiderata humanitare.” Ghani u arratis nga vendi pasi talebanët morën kontrollin, shkruajne mediat e huaja.
Zyrtarët e ambasadës afgane në Taxhikistan i kërkuan policisë së Interpolit që të arrestojnë atë dhe dy përfaqësues të tjerë me akuzat e vjedhjes së pasurisë publike, në mënyrë që fondet të kthehen në Afganistan.
Ndërkohë, në mungesë të tij, zëvendësi Amrullah Saleh është vetëshpallur ditën e djeshme si president i përkohshëm i Afganistanit. Sipas Kushtetutës së vendit, në mungesë, pas ikjes ose vdekjes së presidentit, nënkryetari i parë bëhet President.
Ish-Presidenti u kritikua shumë për braktisjen e vendit, por ai deklaroi nga Taxhikistani se e bëri me qëllim për të evituar gjakderdhjen në Kabul.
