Ish komisari që u arrestua gjatë operacionit “Shpirti”, si personi që kishte organizuar trafikimin e 2.5 tonëve drogë drejt Italisë Festim Lela ka kërkuar ndryshim të masës së arrestit.
Mësohet se arsyeja për të cilën, ai e ka kërkuar diçka të tillë është Për shkak se pretendon se vuan nga një sëmundje e rëndë.
Kujtojmë se në vitin 2017 ai ka qenë i përfshirë në trafikun e 2.5 ton drogë nga Ankona në Durrës dhe madje atëherë Prokuroria kërkoi 17 vite burg për të.
Operacioni “Shpirti”:
Operacioni “Shefi” dhe operacioni “Kulmi”, të zhvilluara përkatësisht në vitet 2018 dhe 2020 vijuan me operacionin “Shpirti”, me qëllim luftimin kundër trafikimit ndërkombëtar të drogës. Gjatë këtij operacioni, u zbulua dhe mënyra e organizimit të këtij zinxhiri të prodhimit të lëndëve narkotike. Ndërkohë, në cilësinë e provës materiale u sekuestruan 4 milionë euro. Kujtojmë se 28 të arrestuarit në kuadër të operacionit “Shpirti” janë shtetasit me iniciale A. M., J. M., A. N., Sh. K., B. T., M. Ç., E. H., K. A. H., T. E. K., E. H., Ç. Gj., M. Ll., Sh. D., E. B., H. S., L. S., I. G., L. Z., G. Z., E. Z., A. Z., A. K., banues në Vlorë, i cili akuzohet për veprën penale “Shpërdorim detyre”. Përveç tyre, pjesë e të arrestuarve janë dhe ish-drejtori i Zyrës së Punës në Bashkinë e Kavajës, Saimir Kuriti, ish-shoqëruesit e ish-ministrit të Brendshëm Saimir Tahiri, Paul (Agustin) Deda dhe Hekuran Marku. Për të tre këta të pandehur rëndon akuza e veprave penale “Trafik të lëndëve narkotike” dhe “Grup i strukturuar”. I përfshirë gjithashtu, është edhe ish-efektivi i policisë, shtetasi F. L., i dënuar për trafikim të lëndëve narkotike dhe i akuzuar për veprën penale “Shpërdorim detyre”. Sigurisht i përfshirë, siç u tha dhe më sipër ishte edhe ish-prokurori i Vlorës, Maksim Sota, të cilit së fundmi iu refuzua kërkesa e rikthimit në pronësi të makinës së tij, pasi Apeli i GJKKO e sekuestroi si cilësi të provës materiale të veprave penale të kryera nga Sota. / A.L gijotina.com /
