Tre persona kanë rënë në prangat e policisë pasi janë akuzohen për vepra të ndryshme penale. Sipas njoftimit, është arrestuar Leonard Gjeli alias Leonard Mamli, alias Leonard Noka, banues në Kurbin dhe Xhentil Çypi, banues në Luz, Fushë Krujë. 38-vjeçari Gjeli është me precedentë të theksuar kriminal në fushën e krimeve kundër personit dhe armëmbajtes pa leje.
Këta shtetas qarkullonin me një mjet tip “Audi” nga Luzi për në qendër të Fushë Krujës, me drejtues Çypin dhe pasagjer Gjelin alias Leonard Mamli alias Leonard Noka.
Në momentin e ndalimit, kanë tentuar të largohen me automjet, por janë neutralizuar nga ndërhyrja e Policisë. Gjatë kontrollit të Gjelit, shërbimet e Policisë, i gjetën dhe sekuestruan, në cilësinë e provës materiale një armë zjarri pistoletë me mulli dhe municion luftarak.
Po gjatë operacionit, në Shkodër, Forcat e Posaçme “Shqiponja” dhe ato Operacionale të Shkodrës, me mbështetjen e FNSH-së, kapën dhe vunë në pranga shtetasin Saed Muça, 33 vjeç, banues në Shkodër, i cili qarkullonte me armë zjarri pistoletë dhe municion luftarak, në automjet.
Discussion about this post