U arrestua me urdhër të Gjykatës Speciale, Apeli lë në burg Goxhajn

Gjykata e Apelit ka lënë në fuqi masën e arrestit me burg për 40 ditë ndaj ish luftëtarit të UÇK-së Dritan Goxhaj.

Ish-luftëtari Dritan Goxhaj u arrestua në Tiranë më 31 korrik, për llogari të Gjykatës së Hagës.

Avokati i tij Bashkim Nikolla, jashtë dyerve të gjykatës tha se kjo që po ndodh është një turp duke e cilësuar si një hakmarrje politike.

Në një njoftim të Gjykatës Speciale, thuhet se arrestimi i Goxhaj lidhet me një vepër penale kundër administrimit të drejtësisë që përfshijnë frikësim dhe pengim të personave zyrtarë në kryerjen e detyrave të tyre zyrtare.