Reperi shqiptar Noizy duket se ka ende probleme me drejtësinë që e ndjekin nga e shkuara e tij dhe përplasjet me grupet e tjera muzikore. Ai ka rrëfyer se është arrestuar nga policia në Kosovë për ngjarjen e ndodhur në vitin 2016, ku mes tij dhe Cozman ndodhi një sherr fizik që përfundoi në përdorim armësh.
“Respekte për policinë e Kosovës por sistemi është m*t. Fakti që dikush vendos të nxjerrë një flet arrest pa të lajmëruar sikur të paktën një herë, ndaç me telefonatë, ndaç me postë, ndaç me e-mail të lënë të kuptosh se mbi policinë janë disa idiota që e komandojnë atë. Më e forta është se më thanë e kemi lajmëruar një shokun tonë që e njeh një shokun tënd për këtë rast.
Sepse ty nuk mund të të gjenim kontakt. Vërtet është kaq e vështirë. Nejse. Bëhet fjalë për incidentin që ka ndodhur në Sëiss Diamond në Prishtinë me 13 Shtator 2016. Dhe sipas tyre paskam një gjobë për të paguar dhe janë kujtuar pas 6 vitesh. Por kanë harruar të më kontaktojnë dhe kanë vendosur të nxjerrin fletë arrest. Edhe njëherë respekte për policinë e Kosovës për sjelljen njerëzore”, shkruan Noizy.
Noizy u arrestua mbrëmë nga Policia e Kosovës, ku iu bë me dije se i duhej të paguante gjobën prej 2000 eurosh ose të kryente dënimin me 100 ditë burgim. Siç kuptohet zgjedhja e reperit ishte gjoba, duke i shpëtuar heqjes së lirisë.
Discussion about this post