Ish-kryetari i Komunës së Frakullës Viktor Çervanaku, u arrestua një ditë më parë për drogën që iu gjet në oborrin e banesës. Aktualisht socialisti mësohet se punonte drejtor në OST.
Çervanaku u vu në pranga së bashku me të birin dhe të fejuarën e këtij të fundit. Ndërsa droga u zbulua nga një aksion i mirëorganizuar nga SPAK, DEA dhe policia malazeze. Pas një hetimi prej rreth 3 muajsh. Droga vinte nga Kolumbia, ndërsa në Shqipëri ajo përpunohej me destinacion tregun europian.
Nditë para operacionit janë arrestuar te tuneli në “Rrugën e Arbrit” 4 persona të cilët ishin të armatosur me 3 pistoleta dhe armë të tjera. Një pjesë e tyre ishin nga Tropoja dhe veriu i vendit.
Hetimi për këtë çështje ka nisur më shumë se 3 muaj më parë. Pas një sinjalizimi nga autoritetet e huaja. Ngarkesa ka mbërritur nga Kolumbia në Tivar 3 muaj më parë dhe më pas është dërguar në Frakull. Kokaina dyshohet se ishte e ndarë në 600 thasë të plehut kimik.
Nikolin Gjolena është personazhi kryesor i kësaj çështjes. Teksa rezulton të ketë qenë i përfshirë dhe më herët në trafikun e drogave. Prokuroria e Posaçme pritet të ketë dhe një konferencë për këtë aksion.
Me ndihmën e partnerëve të huaj, si DEA amerikane, por ditën e djeshme dhe oficerët e policisë malazeze kanë zbritur në Shqipëri, teksa hetimi do të sqarojë nëse ky aktivitet ka qenë zhvilluar dhe më herët.
Ngarkesa ishte e pajisur me GPS. Prokuroria thotë se ka pasur biseda mes protagonistëve dhe personave të përfshirë në aktivitetin kriminal.
4 personat me armë janë arrestuar një ditë para operacionit në Rrugën e Arbrit, por është mbajtur e fshehur nga Prokuroria e Policia.
Lënda narkotike është e përzier me plehun kimik dhe do ishte kolumbiani që do ta procesonte për ta pastruar.
Katër të arrestuarit mendohet se bashkëpunonin me një nga krerët e një prej grupeve më të fuqishme kriminale. Dyshohet se ka dhe persona zyrtarë të përfshirë.
Discussion about this post