Aktori i njohur, Mitchel Musso, i cili ka luajtur në serialin e njohur ‘Hannah Montana”, ka folur publikisht pasi u arrestua gjatë fundjavës, i akuzuar për vjedhje dhe dehje në publik.
“Nuk ka pasur asnjë vjedhje, dhe unë nuk kam qenë i dehur,” i tha ai për revistën e njohur “PEOPLE”, duke shtuar: “Ishte për të ardhur keq, një keqkuptim shumë i madh.
Po çfarë ndodhi me Mitchel Musso?
Musso u arrestua të shtunën në mbrëmje në Rockwall, Teksas, pasi dyshohej se teksa ishte në gjendje të dehur kishte grabitur.
Ngjarja ndodhi në SpringHill Suites Dallas Rockwall, e sipas denoncuesit, aktori kishte hyrë në hotel dhe kishte filluar të konsumonte një qese me patatina.
Kur iu kërkua të paguante për ushqimet, ai u konfrontua verbalisht dhe doli nga ambienti pa shlyer faturën.
Por, sipas aktorit, gjërat nuk ndodhën kështu.
“Ky punonjës i pakënaqur, sjellja e të cilit ishte e çrregullt, më hoqi qesen me patatina nga dora dhe filloi të më bërtiste për veshjen time. Më tha Dil jashtë ose do të telefonoj policinë. Në fund, unë thashë ‘Sigurisht, telefononi policët”, deklaroi aktori.
Discussion about this post