Në vendin tonë ata që akuzohen për mashtrim dhe kanë vënë në rrezik jetën e qytetarëve, jo vetëm që nuk preken kurrë nga drejtësia, por iu bëhet një pagesë e mirë nga taksapaguesit shqiptarë. Kështu ka bërë ministrja e Shëndetësisë Ogerta Manastirliu me oligarkun e ilaçeve Sokol Topçiu. Pak ditë më parë Ministria e Shëndetësisë ka njoftuar mbylljen e një tenderi me numër reference REF-26056-04-21-2022 dhe objekt “Blerje Materiale Për Terapinë Intensive”. Këto materiale duhen për spitalin Shefqet Ndroqi, në të cilin çdo pajisje duhet të shkojë më e sigurt, por Manastirliu më shumë mendon se si të përfitojë para nga këto nevoja.
Kështu tregohet edhe në këtë tender, pasi ka shpenzuar 53 milionë lekë për tenderin, që ja dha parë kompanisë “Farma Net Albania”. Pasi për këtë tender nuk ka shfaqur interes asnjë kompani tjetër dhe sipas ligjit Manastirliu duhet ta anulonte procedurat. Por, për Topçiun ministrja ka preferuar të shkel ligjin duke shpallur atë fitues dhe kështu i bëri dhuratë 53 milionë lekë pa u lodhur fare.
Madje, Manastirliu nuk e ka menduar dy herë këtë dhuratë për Topçiun edhe pse ai ka paraqitur një ofertë më vlerë 5 273 000,00 milionë lekë, pra sa 89% e fondit limit. Edhe në këtë pikë Manastirliu ka shkelur sërish ligjin, duke kaulfikuar si fituese ofertën e shtrenjtë. Ky tender duket si një projekt i paracaktuar për “Farma Net Albania” të Topçiut, për të hequr nga ai “njollën” e arrestit të 8 muajve më parë për shkak që akuzohej se shiste ilaçe kontrabandë. Këtë nder ministrja mund ta bëjë për mikun e saj, por për sigurinë e qytetarëve shqiptarë në spitale kush do të mendojë vallë?!
Oligarku i Ilaçeve
Në 11 tetor të viti 2021 Sokol Topçiu ra në pranga pasi akuzohej se ka shitur mijëra ilaçe kontrabandë gjatë periudhës së pandemisë. Aktakuza tregonte se ilaçet që ai ka shitur u sollën në Shqipëri me 20 dollarë dhe disa prej tyre u shitën deri në 500 mijë lekë të vjetra. Gjithashtu, Topçiu akuzohej se përmes kompanisë së tij Farma Net Albania kishte përfituar shuma të mëdha parash nga Ministria e Shëndetësisë dhe tenderat kanë qenë të paracaktuar për të. Pasi, edhe për rastin më sipër të dhënat e tenderit tregojnë që Sokol Topçiu ka që nga viti 2013 që fiton tenderin për blerjet e pajisjeve për terapi në spitalin “Shefqet Ndroqi”. Pra, tenderi i mësipërm ishte fiktiv, pasi Manastirliu ja ka dhënë me kohë letrat në dorë Topçiut.
Discussion about this post