Gjykata e Sarandës vendosi sot detyrim paraqitjeje për dy personat e arrestuar 3 ditë më parë me akuzën e shpërdorimit të detyrës, duke mos reaguar ndaj asaj që u konsiderua nga Policia si krim mjedisor. Çane Aliaj 62 vjeç dhe Sokol Xhyheri 37 vjeç, i pari roje dhe tjetri specialist i ARZM, u arrestuan pasi nuk kishin ndaluar hedhjen e inerteve dhe ndërtimin e mureve në zonat e mbrojtura të liqenit të Butrintit, Pemës së Thatë dhe Lagunës në Ksamil.
Për Çane Aliaj, 62 vjeç, inspektor në ARZM, me funksion konkret roje, Prokuroria kërkoi masën e sigurisë “Detyrim për t’u paraqitur në policinë gjyqësore” dhe “Pezullim i ushtrimit të detyrës” ndërsa për Sokol Xhyheri, 37 vjeç, specialist në ARZM, kërkoi masën e sigurisë “Arrest ne burg”.
Por gjyqtarja Dejvi Çelçima i ka quajtur të pamjaftueshme provat e Prokurorisë.
Në përfundim të seancës ajo ka vendosur vetëm masën e sigurisë “Detyrim për t’u paraqitur në policinë gjyqësore” për të dy të arrestuarit.
Discussion about this post