U asfiksua nga tymi, humb jetën 65-vjeçari. Dyshimet

Një person ka humbur jetën në fshatin Qesarat, bashkia Finiq, ndërsa dyshohet se është asfiksuar nga tymi.

Viktima është identifikuar si Mihal Foto 65-vjeç, ndërsa jetonte i vetëm në banesë dhe dyshohet se vuante nga probleme të shëndetit mendor.

Trupi i pajetë i 65-vjeçarit është gjetur nga fqinjët e tij, ndërsa dyshimet janë se një vatër zjarri i ka djegur dyshekun dhe viktima është asfiksuar nga tymrat teksa ka qenë në gjumë.

Gjithsesi do të jenë hetimet e policisë që do të zbardhin ngjarjen dhe rrethanat e rënies së zjarrit që më pas shkaktoi asfiksinë e të moshuarit.