Vetëm pak ditë më parë Fero u bë baba për herë të parë me vajzën e quajtur Nina. Ai dhe Arbenita ndanë këtë moment të veçantë në rrjetet sociale, ndërsa reperi u shpreh se e vogla ishte kompozimi i tij më i bukur.
Megjithatë Fero nuk ka vendosur ta lërë me kaq këtë dedikim. Tanimë ai e ka gati këngën e parë dedikuar vajzës së sapo lindur. Reperi ka publikuar një pjesë të këngës në ‘Instagramin’ e tij, duke shkruar: “Kush po e pret hitin e radhës? Menaxhuar nga unë”.
Në ktë moment nuk ka munguar as komenti i Arbenitës, e cila i ka lënë shënim një zemër, duke treguar sa e lumtur ndihet në këto momente. Kjo nuk është hera e parë që një reper ndryshon komplet rrjedhën e tij të krijimeve me diss-e fill pas momentit kur bëhet prind dhe krijimet marrin një ngjyrë tjetër.
