Rayan Aourram ishte një 5-vjeçar jeta e të cilit u shua në mënyrën më të keqe të mundshme. Rayan banonte në provincën veriore Chefchaouen të Marokut, ku dhe ka humbur jetën pasi u bllokua në një pus për katër ditë. Rayan u konfirmua i vdekur të shtunën vonë nga autoritetet.
Qindra njerëz u mblodhën në provincë në Marok të hënën për të marrë pjesë në varrimin e vogëlushit. Djali pesëvjeçar ishte bllokuar që nga e marta përpara se të nxirrej nga ekipet e shpëtimit nga pusi të shtunën, por nuk i mbijetoi sprovës së tij, shkruan CNN.
Prindërit e Rayan shkuan në varreza me një ambulancë, të dy të përlotur. “Zoti qoftë me djalin tim”, tha babai i tij Khaled Aourram Chouf. Përpjekjet e shpëtimit të Rayan pushtuan botën me hashtag #SaveRayan. Fëmija ishte ngecur në një pus që arrinte më shumë se 30 metra nën tokë në provincën Chefchaouen.
Rayan ra në pus të martën pasdite dhe u zbulua pasi u dëgjua duke qarë, tha nëna e tij në një intervistë me televizionin shtetëror Al-Aoula dy ditë më vonë. Ajo tha se ai po luante aty pranë para se të zhdukej dhe se ajo menjëherë thirri autoritetet pasi zbuloi se çfarë kishte ndodhur.
Discussion about this post